ਫਗਵਾੜਾ,29 ਅਗਸਤ (ਸ਼ਿਵ ਕੋੜਾ) ਸਕੇਪ ਸਾਹਿਤਕ ਸੰਸਥਾ ਫਗਵਾੜਾ ਵਲੋਂ ਮਹੀਨਾਵਾਰ ਕਵੀ ਦਰਬਾਰ ਕਰਵਾਇਆ ਗਿਆ ਜਿਸ ਦੀ ਪ੍ਰਧਾਨਗੀ ਗੁਰਮੀਤ ਸਿੰਘ ਪਲਾਹੀ, ਸ਼ਾਮ ਸਰਗੂੰਦੀ, ਪਰਵਿੰਦਰ ਜੀਤ ਸਿੰਘ, ਦਰਸ਼ਨ ਨੰਦਰਾ, ਅਤੇ ਕਰਮਜੀਤ ਸਿੰਘ ਸੰਧੂ ਨੇ ਕੀਤੀ। ਸਮਾਗਮ ਦੀ ਸ਼ੁਰੂਆਤ ਸੁਖਦੇਵ ਸਿੰਘ ਗੰਢਵਾਂ ਨੇ ਆਪਣੇ ਧਾਰਮਿਕ ਗੀਤ ਨਾਲ ਕੀਤੀ। ਕਵੀ ਦਰਵਾਰ ਵਿੱਚ ਕਵੀਆਂ ਨੇ ਸਮਾਜਿਕ, ਹਾਸਰਸ ਅਤੇ ਧਾਰਮਿਕ ਕਾਵਿ-ਰਚਨਾਵਾਂ ਪ੍ਰਭਾਵਸ਼ਾਲੀ ਢੰਗ ਨਾਲ ਪੇਸ਼ ਕੀਤੀਆਂ। ਕਵੀ ਦਰਬਾਰ ਵਿੱਚ ਸ਼ਾਇਰ ਬਲਦੇਵ ਰਾਜ ਕੋਮਲ, ਰਵਿੰਦਰ ਚੋਟ, ਜਸਵਿੰਦਰ ਕੌਰ ਫਗਵਾੜਾ, ਅਭਿਸ਼ੇਕ ਸੂਦ, ਸੂਬੇਗ ਸਿੰਘ ਹੰਝਰਾ, ਰਵਿੰਦਰ ਰਾਏ, ਦਲਜੀਤ ਮੇਹਮੀ, ਦਵਿੰਦਰ ਜੱਸਲ, ਲਾਲੀ ਕਰਤਾਰਪੂਰੀ, ਬਚਨ ਗੁੜ੍ਹਾ, ਦਰਸ਼ਨ ਸਿੰਘ ਨੰਦਰਾ, ਕਰਮਜੀਤ ਸਿੰਘ ਸੰਧੂ, ਗੁਰਨਾਮ ਬਾਵਾ, ਸੀਤਲ ਰਾਮ ਬੰਗਾ, ਸੋਹਣ ਸਹਿਜਲ, ਸੋਢੀ ਸੱਤੋਵਾਲੀ, ਸ਼ਾਮ ਸਰਗੂੰਦੀ, ਬਲਵੀਰ ਕੌਰ ਬੁੱਬੂ ਸੈਣੀ, ਜਸਵਿੰਦਰ ਹਮਦਰਦ, ਮੋਹਨ ਅਤੇ ਕਮਲੇਸ਼ ਸੰਧੂ ਨੇ ਆਪਣੀਆਂ ਕਵਿਤਾਵਾਂ/ਰਚਨਾਵਾਂ ਅਤੇ ਗ਼ਜ਼ਲਾਂ ਨਾਲ ਰੰਗ ਬੰਨ੍ਹਿਆ। ਇਸ ਸਮਾਗਮ ਵਿੱਚ ਪੰਜਾਬੀ ਸਾਹਿਤ ਦੇ ਪ੍ਰਸਿੱਧ ਅਲੋਚਕ ਸੰਧੂ ਵਰਿਆਣਵੀ ਵਿਸ਼ੇਸ਼ ਤੌਰ ‘ਤੇ ਪੁੱਜੇ। ਸਮਾਗਮ ਦੌਰਾਨ ਅਮਰੀਕਾ ਦੇ ਪੰਜਾਬੀ ਕਵੀ ਕਮਲ ਬੰਗਾ ਸੈਕਰਾਮੈਂਟੋ ਦੀ ਕਾਵਿ-ਪੁਸਤਕ “ਨਵੀ ਰੌਸ਼ਨੀ” ਰਲੀਜ਼ ਕੀਤੀ। ਪੁਸਤਕ ਤੇ ਬੋਲਦੇ ਪ੍ਰਿੰ: ਗੁਰਮੀਤ ਸਿੰਘ ਪਲਾਹੀ ਨੇ ਕਿਹਾ ਕਿ ਕਮਲ ਬੰਗਾ ਦੀ ਕਾਵਿ ਰਚਨਾ “ਨਵੀਂ-ਰੌਸ਼ਨੀ” ਨਵਾਂ ਪੈਗਾਮ ਦਿੰਦੀ ਹੈ। ਉਹਨਾ ਪੂਰੇ ਵਿਸ਼ਵਾਸ ਭਰੋਸੇ ਨਾਲ ਕਾਵਿ ਸਿਰਜਣਾ ਕੀਤੀ ਹੈ। ਪਰਵਿੰਦਰ ਜੀਤ ਸਿੰਘ ਨੇ ਆਏ ਹੋਏ ਮਹਿਮਾਨਾਂ, ਮੈਂਬਰਾਂ ਅਤੇ ਸ੍ਰੋਤਿਆਂ ਦਾ ਧੰਨਵਾਦ ਕਰਦੇ ਹੋਏ ਸੰਸਥਾ ਵਲੋਂ ਨਵੇਂ ਛੱਪ ਰਹੇ ਸਾਂਝੇ ਕਾਵਿ ਸੰਗ੍ਰਹਿ “ਸ਼ਬਦ ਸਿਰਜਣਹਾਰੇ 3″ ਬਾਰੇ ਵੀ ਚਰਚਾ ਕੀਤੀ। ਸਟੇਜ ਸੰਚਾਲਨ ਦੀ ਭੂਮਿਕਾ ਕਮਲੇਸ਼ ਸੰਧੂ ਨੇ ਬਾਖ਼ੂਬੀ ਨਿਭਾਈ। ਸ੍ਰੋਤਿਆਂ ਵਿੱਚ ਹੋਰਾਂ ਤੋਂ ਇਲਾਵਾ ਮਨਦੀਪ ਸਿੰਘ, ਅਸ਼ੋਕ ਸ਼ਰਮਾ, ਸੋਹਣ ਸਹਿਜਪਾਲ, ਗੁਰਨਾਮ ਬਾਵਾ, ਬਚਨ ਗੂੜ੍ਹਾ, ਅਜੀਤਪਾਲ ਸਿੰਘ , ਪਵਨ ਕੁਮਾਰ ਰਾਣਾ ਆਦਿ ਹਾਜ਼ਰ ਸਨ।