ਕਨ੍ਯਾ ਮਹਾ ਵਿਦਿਆਲਾ (ਆਟੋਨੋਮਸ) ਉੱਚ ਸਿੱਖਿਆ ਵਿੱਚ ਉਤਕ੍ਰਿਸ਼ਟਤਾ ਲਿਆਉਣ ਵਿੱਚ ਹਮੇਸ਼ਾਂ ਅਗੇ ਰਿਹਾ ਹੈ। ਸਮੇਂ-ਸਮੇਂ ‘ਤੇ ਕਾਲਜ ਦੇ ਫੈਕਲਟੀ ਮੈਂਬਰਾਂ ਅਤੇ ਵਿਦਿਆਰਥੀਆਂ ਵੱਲੋਂ ਸਿੱਖਿਆ, ਸਮਾਜ, ਦੇਸ਼ ਦੀ ਤਰੱਕੀ, ਅਰਥਵਿਵਸਥਾ ਅਤੇ ਰਾਜਨੀਤਿਕ ਪਹਿੱਲਿਆਂ ‘ਤੇ ਆਧਾਰਿਤ ਵੱਖ-ਵੱਖ ਗਵੈਸ਼ਣ ਪੱਤਰ ਅਤੇ ਪੁਸਤਕਾਂ ਪ੍ਰਕਾਸ਼ਿਤ ਕੀਤੀਆਂ ਜਾਂਦੀਆਂ ਹਨ। ਇਸੇ ਲੜੀ ਵਿੱਚ, ਅੰਗ੍ਰੇਜ਼ੀ ਸਨਾਤਕੋੱਤਰ ਵਿਭਾਗ ਵਲੋਂ ਪ੍ਰਕਾਸ਼ਿਤ ਪੁਸਤਕ ‘ਦਿ ਲਿਟਰੇਰੀ ਪਰਸਪੈਕਟਿਵਜ਼’ ਦਾ ਵਿਮੋਚਨ ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ, ਅੰਮ੍ਰਿਤਸਰ ਦੇ ਉਪ-ਕੁਲਪਤੀ ਪ੍ਰੋ. ਡਾ. ਕਰਮਜੀਤ ਸਿੰਘ ਨੇ ਕੀਤਾ। ਇਹ ਪੁਸਤਕ ਸ਼੍ਰੀ ਚੰਦਰ ਮੋਹਨ, ਪ੍ਰਧਾਨ, ਆਰਿਆ ਸ਼ਿਕਸ਼ਾ ਮੰਡਲ, ਕੇ.ਐੱਮ.ਵੀ. ਪ੍ਰਬੰਧਕ ਸਮਿਤੀ ਦੇ ਉਪਾਧਯਕਸ਼ ਡਾ. ਸੁਸ਼ਮਾ ਚਾਵਲਾ, ਕੋਸ਼ਾਧ੍ਯਕਸ਼ ਸ਼੍ਰੀ ਧ੍ਰੁਵ ਮਿੱਤਲ, ਪ੍ਰਿੰਸੀਪਲ ਪ੍ਰੋ. ਡਾ. ਅਤੀਮਾ ਸ਼ਰਮਾ ਦ੍ਵੀਵੇਦੀ, ਅਤੇ ਕੇ.ਐੱਮ.ਵੀ. ਪ੍ਰਬੰਧਕ ਸਮਿਤੀ ਦੇ ਮੈਂਬਰਾਂ ਸ਼੍ਰੀਮਤੀ ਸੁਸ਼ੀਲਾ ਭਗਤ ਅਤੇ ਡਾ. ਸਤਪਾਲ ਗੁਪਤਾ ਦੀ ਹਾਜ਼ਰੀ ਵਿੱਚ ਜਾਰੀ ਕੀਤੀ ਗਈ। ਇਸ ਸੰਬੰਧ ਵਿੱਚ ਹੋਰ ਜਾਣਕਾਰੀ ਦਿੰਦਿਆਂ, ਪੁਸਤਕ ਦੀ ਮੁੱਖ ਸੰਪਾਦਕ ਪ੍ਰਿੰਸੀਪਲ ਪ੍ਰੋ. ਡਾ. ਅਤੀਮਾ ਸ਼ਰਮਾ ਦ੍ਵੀਵੇਦੀ ਨੇ ਦੱਸਿਆ ਕਿ ‘ਦਿ ਲਿਟਰੇਰੀ ਪਰਸਪੈਕਟਿਵਜ਼’ ਲੇਖਾਂ ‘ਤੇ ਆਧਾਰਿਤ ਹੈ, ਜੋ ਆਲੋਚਨਾ ਦੀ ਗਹਿਰੀ ਸਮਝ ਪ੍ਰਦਾਨ ਕਰਦੀ ਹੈ ਅਤੇ ਅਕਾਦਮਿਕ ਦ੍ਰਿਸ਼ਟੀਕੋਣ ਤੋਂ ਇੱਕ ਰਚਨਾਤਮਕ ਯਤਨ ਹੈ। ਇਹ ਪੁਸਤਕ ਬੌਧਿਕ ਚਰਚਾਵਾਂ ਨੂੰ ਵਧਾਵਾ ਦੇਣ ਦਾ ਉਦੇਸ਼ ਰਖਦੀ ਹੈ ਅਤੇ ਸਾਹਿਤ ਦੀ ਸ਼ਾਨਦਾਰ ਵਿਰਾਸਤ ਵਿੱਚ ਯੋਗਦਾਨ ਪਾਉਂਦੀ ਹੈ। ਇਸ ਪ੍ਰਭਾਵਸ਼ਾਲੀ ਪੁਸਤਕ ਦੇ ਸੰਪਾਦਨ ਵਿੱਚ ਮੁੱਖ ਸੰਪਾਦਕ ਪ੍ਰਿੰਸੀਪਲ ਪ੍ਰੋ. ਡਾ. ਅਤੀਮਾ ਸ਼ਰਮਾ ਦ੍ਵੀਵੇਦੀ ਅਤੇ ਹੋਰ ਸੰਪਾਦਕਾਂ ਵਲੋਂ ਕੀਤੇ ਗਏ ਯਤਨਾਂ ਦੀ ਪ੍ਰੋ. ਡਾ. ਕਰਮਜੀਤ ਸਿੰਘ ਅਤੇ ਹਾਜ਼ਰ ਸਾਰੇ ਗਣਮਾਨਯ ਵਿਅਕਤੀਆਂ ਨੇ ਭਰਪੂਰ ਪ੍ਰਸ਼ੰਸਾ ਕੀਤੀ।