ਫਗਵਾੜਾ 21 ਅਪ੍ਰੈਲ (ਸ਼ਿਵ ਕੋੜਾ) ਹਲਕਾ ਵਿਧਾਇਕ ਬਲਵਿੰਦਰ ਸਿੰਘ ਧਾਲੀਵਾਲ ਨੇ ਅੱਜ ਫਗਵਾੜਾ ਸਬ ਡਵੀਜਨ ਦੀਆਂ ਵੱਖ ਵੱਖ ਮੰਡੀਆਂ ਦਾ ਦੌਰਾ ਕਰਦਿਆਂ ਕਣਕ ਦੀ ਖਰੀਦ ਦੇ ਚੱਲ ਰਹੇ ਕੰਮ ਦਾ ਜਾਇਜਾ ਲਿਆ। ਇਸ ਦੌਰਾਨ ਜਗਤਪੁਰ ਜੱਟਾਂ, ਰਾਣੀਪੁਰ ਤੇ ਰਾਵਲਪਿੰਡੀ ਦੀਆਂ ਮੰਡੀਆਂ ਦੇ ਆੜ੍ਹਤੀਆਂ ਨੇ ਵਿਧਾਇਕ ਧਾਲੀਵਾਲ ਨੂੰ ਦੱਸਿਆ ਕਿ ਲਿਫਟਿੰਗ ਦੀ ਰਫਤਾਰ ਬਹੁਤ ਘੱਟ ਹੈ ਜਿਸ ਕਰਕੇ ਮੰਡੀ ਵਿਚ ਕਣਕ ਦੇ ਅੰਬਾਰ ਲੱਗੇ ਹੋਏ ਹਨ ਅਤੇ ਨਵੀਂ ਆ ਰਹੀ ਕਣਕ ਨੂੰ ਢੇਰੀ ਕਰਨ ਵਿਚ ਮੁਸ਼ਕਲ ਹੋ ਰਹੀ ਹੈ। ਮੰਡੀਆਂ ਵਿਚ ਕਣਕ ਵੇਚਣ ਲਈ ਆਏ ਜਿਮੀਂਦਾਰਾਂ ਨੇ ਕਿਹਾ ਕਿ ਇਸ ਵਾਰ ਫਸਲ ਦਾ ਝਾੜ ਬਹੁਤ ਘੱਟ ਹੋਣ ਕਰਕੇ ਉਹਨਾਂ ਦਾ ਕਾਫੀ ਨੁਕਸਾਨ ਹੋਇਆ ਹੈ। ਵਿਧਾਇਕ ਧਾਲੀਵਾਲ ਨੇ ਉਹਨਾਂ ਦੀ ਸਮੱਸਿਆ ਨਾਲ ਸਹਿਮਤ ਹੁੰਦਿਆਂ ਸੂਬਾ ਸਰਕਾਰ ਤੋਂ ਮੰਗ ਕੀਤੀ ਕਿ ਝਾੜ ਘੱਟ ਹੋਣ ਕਰਕੇ ਕਿਸਾਨਾਂ ਦੇ ਹੋਏ ਨੁਕਸਾਨ ਦੀ ਪੂਰਤੀ ਲਈ ਬਣਦੇ ਮੁਆਵਜੇ ਦਾ ਐਲਾਨ ਕੀਤਾ ਜਾਵੇ। ਵਿਧਾਇਕ ਧਾਲੀਵਾਲ ਦੇ ਨਾਲ ਮੌਜੂਦ ਮਾਰਕਿਟ ਕਮੇਟੀ ਫਗਵਾੜਾ ਦੇ ਚੇਅਰਮੈਨ ਨਰੇਸ਼ ਭਾਰਦਵਾਜ ਨੇ ਦੱਸਿਆ ਕਿ ਜਗਤਪੁਰ ਜੱਟਾਂ ਮੰਡੀ ਵਿਚ ਹੁਣ ਤੱਕ 15965 ਕਵਿੰਟਲ ਕਣਕ ਦੀ ਖਰੀਦ ਹੋਈ ਹੈ ਜਦਕਿ ਲਿਫਟਿੰਗ ਸਿਰਫ 6600 ਕਵਿੰਟਲ ਦੀ ਹੋ ਸਕੀ ਹੈ। ਰਾਣੀਪੁਰ ਮੰਡੀ ਵਿਚ ਵੀ ਸੱਤ ਹਜਾਰ ਕਵਿੰਟਲ ਕਣਕ ਦੀ ਲਿਫਟਿੰਗ ਹੋਈ ਹੈ ਜਦਕਿ 19977 ਕਵਿੰਟਲ ਕਣਕ ਖਰੀਦੀ ਗਈ ਹੈ। ਇਸੇ ਤਰ੍ਹਾਂ ਰਾਵਲਪਿੰਡੀ ਮੰਡੀ ਵਿਚ 18857 ਕਵਿੰਟਲ ਕਣਕ ਖਰੀਦੇ ਜਾਣ ਦੇ ਬਾਵਜੂਦ ਸਿਰਫ 6675 ਕਵਿੰਟਲ ਕਣਕ ਦੀ ਲਿਫਟਿੰਗ ਹੋਈ ਹੈ। ਵਿਧਾਇਕ ਧਾਲੀਵਾਲ ਨੇ ਸਰਕਾਰ ਤੋਂ ਮੰਗ ਕੀਤੀ ਕਿ ਖਰੀਦ ਏਜੰਸੀਆਂ ਰਾਹੀਂ ਕਣਕ ਦੀ ਲਿਫਟਿੰਗ ਦਾ ਕੰਮ ਜੰਗੀ ਪੱਧਰ ਤੇ ਕਰਵਾਇਆ ਜਾਵੇ ਤਾਂ ਜੋ ਮੰਡੀਆਂ ਵਿੱਚ ਆ ਰਹੀ ਕਣਕ ਨੂੰ ਢੇਰੀ ਕਰਨ ‘ਚ ਹੋ ਰਹੀ ਪਰੇਸ਼ਾਨੀ ਦੂਰ ਹੋ ਸਕੇ। ਇਸ ਮੌਕੇ ਬਲਾਕ ਸੰਮਤੀ ਫਗਵਾੜਾ ਦੇ ਚੇਅਰਮੈਨ ਗੁਰਦਿਆਲ ਸਿੰਘ ਭੁੱਲਾਰਾਈ, ਜਗਤਪੁਰ ਜੱਟਾਂ ਮੰਡੀ ਦੇ ਸੁਪਰਵਾਈਜਰ ਦਲਜਿੰਦਰ ਸਿੰਘ, ਇੰਸਪੈਕਟਰ ਸ਼ਿਵਜੀਤ ਸਿੰਘ, ਰਾਣੀਪੁਰ ਮੰਡੀ ਦੇ ਸੁਪਰਵਾਈਜਰ ਭੁਪਿੰਦਰ ਸਿੰਘ, ਇੰਸਪੈਕਟਰ ਕਸ਼ਮੀਰ ਸਿੰਘ, ਰਾਵਲਪਿੰਡੀ ਮੰਡੀ ਸੁਪਰਵਾਈਜਰ ਪਰਮ ਪ੍ਰਕਾਸ਼, ਰਮਨਦੀਪ ਤੋਂ ਇਲਾਵਾ ਜਸਵੰਤ ਸਿੰਘ ਲੰਬੜ, ਸਤੀਸ਼ ਕੁਮਾਰ ਸਰਪੰਚ, ਬੋਬੀ ਠੱਕਰਕੀ, ਰਵੀ ਸਰਪੰਚ ਰਾਵਲਪਿੰਡੀ, ਮੰਗਲਜੀਤ, ਸੁਰਿੰਦਰ ਸਿੰਘ, ਵਿੱਕੀ ਵਾਲੀਆ, ਰਿੰਕੂ ਵਾਲੀਆ, ਪੰਮਾ ਪਹਿਲਵਾਨ, ਤਰਲੋਚਨ ਸਿੰਘ, ਜਸਵੰਤ ਸਿੰਘ ਨੀਟਾ, ਰਾਜੂ ਭਗਤਪੁਰਾ, ਵਿਸ਼ੰਭਰ ਰਾਣੀਪੁਰ, ਰਾਮ ਮੂਰਤੀ ਭਾਣੋਕੀ, ਪ੍ਰਕਾਸ਼ ਰਾਮ, ਸਨੀ ਉੱਚਾ ਪਿੰਡ, ਸੁਰਜੀਤ ਲਾਲ ਪੰਚ, ਰੱਤੂ ਜਗਤਪੁਰ ਜੱਟਾਂ, ਗਭਰੂ ਖੁਰਮਪੁਰ, ਜੋਨੀ ਪਲਾਹੀ, ਚੰਦੀ ਰਾਮ ਰਾਣੀਪੁਰ, ਮੋਹਨ ਸਿੰਘ, ਬਲਵੰਤ ਗਿੱਲ, ਸਰਤੇਜ ਸਿੰਘ, ਮਨਜੀਤ ਸਿੰਘ ਬਰਨ, ਅਵਤਾਰ ਸਿੰਘ, ਮਲਕੀਤ ਸਿੰਘ, ਰਜਿੰਦਰ ਸਰਪੰਚ, ਸੁਭਾਸ਼ ਕੋਆਰਡੀਨੇਟਰ ਐਸ.ਸੀ. ਸੈਲ ਕਪੂਰਥਲਾ, ਸੰਦੀਪ ਪੰਚ, ਚੁੰਨੀ ਲਾਲ ਪੰਚ, ਬਲਬੀਰ ਕੁਮਾਰ ਤੇ ਰੂਪ ਲਾਲ ਢੱਡੇ ਆਦਿ ਹਾਜਰ ਸਨ।
ਤਸਵੀਰ