ਮੇਹਰ ਚੰਦ ਪਾਲੀਟੈਕਨਿਕ ਦੇ ਈ.ਸੀ.ਈ. ਵਿਭਾਗ ਦੇ ਵਿਦਿਆਰਥੀਆਂ ਨੇ ਐਨ.ਆਈ.ਟੀ. ਜਲੰਧਰ ਵਿਖੇ ਵਿਜ਼ਿਟ ਦੌਰਾਨ “5G ਟੈਕਨੋਲੋਜੀਜ਼” ਵਰਕਸ਼ਾਪ ਵਿੱਚ ਭਾਗ ਲਿਆ।
ਪ੍ਰਿੰਸਿਪਲ ਡਾ. ਜਗਰੂਪ ਸਿੰਘ ਦੀ ਮਾਹਿਰ ਅਗਵਾਈ ਅਤੇ ਮੈਡਮ ਪ੍ਰੀਤ ਕਵਲ, ਇੰਚਾਰਜ (ਇਲੈਕਟ੍ਰਾਨਿਕਸ ਐਂਡ ਕਮਿਊਨੀਕੇਸ਼ਨ ਇੰਜੀਨੀਅਰਿੰਗ) ਦੀ ਸਮਰਥ ਰਹਿਨੁਮਾਈ ਹੇਠ, ਸੰਸਥਾ ਦੇ ਈ.ਸੀ.ਈ. ਵਿਭਾਗ ਦੇ ਵਿਦਿਆਰਥੀਆਂ ਅਤੇ ਫੈਕਲਟੀ ਮੈਂਬਰਾਂ ਨੇ 8 ਅਗਸਤ 2025 ਨੂੰ ਐਨ.ਆਈ.ਟੀ. ਜਲੰਧਰ ਵਿੱਚ ਆਯੋਜਿਤ ਇੱਕ ਦਿਨ ਦੀ “5G ਟੈਕਨੋਲੋਜੀਜ਼” ਵਰਕਸ਼ਾਪ ਵਿੱਚ ਸ਼ਮੂਲੀਅਤ ਕੀਤੀ। ਸਾਰਿਆਂ ਦਾ ਸਵਾਗਤ ਡਾ. ਨੀਤੂ ਸੂਦ, ਐਸੋਸੀਏਟ ਪ੍ਰੋਫੈਸਰ, ਐਨ.ਆਈ.ਟੀ. ਜਲੰਧਰ ਨੇ ਕੀਤਾ। ਇਸ ਵਰਕਸ਼ਾਪ ਦਾ ਉਦੇਸ਼ ਵਿਦਿਆਰਥੀਆਂ ਨੂੰ 5G ਤਕਨਾਲੋਜੀ ਦੇ ਤਾਜ਼ਾ ਵਿਕਾਸ, ਇਸਦੇ ਉਪਯੋਗ ਅਤੇ ਪ੍ਰਾਇਗੋਗਿਕ ਪੱਖਾਂ ਬਾਰੇ ਜਾਣਕਾਰੀ ਪ੍ਰਦਾਨ ਕਰਨਾ ਸੀ, ਤਾਂ ਜੋ ਵਿਦਿਆਰਥੀਆਂ ਅਤੇ ਅਧਿਆਪਕਾਂ ਵਿਚ ਜਾਗਰੂਕਤਾ ਵਧੇ। ਸੈਸ਼ਨ ਦੌਰਾਨ ਡਾ. ਨਿਤੇਸ਼ ਕਸ਼ਯਪ ਅਤੇ ਸ੍ਰੀ ਅਜੇ ਕੁਮਾਰ ਨੇ ਅਲਟਰਾ-ਫਾਸਟ ਕਨੈਕਟੀਵਿਟੀ, ਲੋ ਲੈਟੈਂਸੀ ਕਮਿਊਨੀਕੇਸ਼ਨ, ਮੈਸੀਵ IoT ਇੰਟੀਗ੍ਰੇਸ਼ਨ, ਸਮਾਰਟ ਸ਼ਹਿਰਾਂ, ਹੈਲਥਕੇਅਰ ਅਤੇ ਆਟੋਮੇਸ਼ਨ ਖੇਤਰ ਵਿੱਚ 5G ਦੀ ਭੂਮਿਕਾ ਵਰਗੇ ਵਿਸ਼ਿਆਂ ‘ਤੇ ਚਰਚਾ ਕੀਤੀ। ਇਸਦੇ ਨਾਲ ਹੀ ਉਨ੍ਹਾਂ ਨੇ ਸੀ.ਐਨ.ਸੀ. ਮਸ਼ੀਨਾਂ ਰਾਹੀਂ ਪੀ.ਸੀ.ਬੀ. ਡਿਜ਼ਾਇਨਿੰਗ ਅਤੇ ਉਸਦੀ ਤਿਆਰੀ ਬਾਰੇ ਵੀ ਵਿਸਤ੍ਰਿਤ ਜਾਣਕਾਰੀ ਦਿੱਤੀ। ਵਿਦਿਆਰਥੀਆਂ ਨੇ ਇਸ ਪ੍ਰੋਗਰਾਮ ਨੂੰ ਬਹੁਤ ਹੀ ਜਾਣਕਾਰੀਪ੍ਰਦ ਅਤੇ ਪ੍ਰੇਰਕ ਦੱਸਿਆ, ਜਿਸ ਨਾਲ ਉਨ੍ਹਾਂ ਨੂੰ ਆਪਣੀਆਂ ਅਕਾਦਮਿਕ ਪ੍ਰੋਜੈਕਟਾਂ, ਰਿਸਰਚ ਕਾਰਜਾਂ ਅਤੇ ਭਵਿੱਖ ਵਿੱਚ ਟੈਲੀਕਮਿਊਨੀਕੇਸ਼ਨ ਖੇਤਰ ਵਿੱਚ ਕਰੀਅਰ ਲਈ ਕੀਮਤੀ ਗਿਆਨ ਪ੍ਰਾਪਤ ਹੋਇਆ। ਫੈਕਲਟੀ ਮੈਂਬਰਾਂ ਵਿੱਚ ਸ੍ਰੀ ਮਨਿਸ਼ ਸਚਦੇਵਾ (ਲੈਕਚਰਰ ECE), ਮੈਡਮ ਮਨਿੰਦਰ ਕੌਰ (ਲੈਕਚਰਰ ECE) ਅਤੇ ਮੈਡਮ ਦੇਵਿਕਾ (ਲੈਕਚਰਰ ECE) ਵੀ ਹਾਜ਼ਰ ਸਨ।