ਬੇਗੋਵਾਲ — DIPS ਇੰਸਟੀਚਿਊਸ਼ਨਜ਼ ਅੱਪਰ ਪ੍ਰਾਈਮਰੀ ਵਿੰਗ ਵੱਲੋਂ “ਟਾਈਮ ਟ੍ਰੈਵਲਰ” ਨਾਮਕ ਕਲਾਸ ਸ਼ੋ ਦਾ ਸ਼ਾਨਦਾਰ ਆਯੋਜਨ ਕੀਤਾ ਗਿਆ। ਪ੍ਰੋਗ੍ਰਾਮ ਵਿੱਚ ਵਿਦਿਆਰਥੀਆਂ ਨੇ ਸਿੱਖਿਆ ਦੇ ਗੁਰੂਕੁਲ ਪ੍ਰਣਾਲੀ ਤੋਂ ਆਧੁਨਿਕ ਡਿਜ਼ਿਟਲ ਯੁੱਗ ਤੱਕ ਦੇ ਸਫ਼ਰ ਨੂੰ ਬੜੇ ਹੀ ਸੁੰਦਰ ਢੰਗ ਨਾਲ ਪੇਸ਼ ਕੀਤਾ।
ਇਸ ਮੌਕੇ ਚੇਅਰਪਰਸਨ ਸ੍ਰੀਮਤੀ ਜਸਵਿੰਦਰ ਕੌਰ ਨੇ ਆਪਣੇ ਸ਼ਬਦਾਂ ਰਾਹੀਂ ਵਿਦਿਆਰਥੀਆਂ ਦੀ ਪ੍ਰਸ਼ੰਸਾ ਕੀਤੀ ਅਤੇ ਸਿੱਖਿਆ ਦੇ ਬਦਲਦੇ ਰੂਪ ਬਾਰੇ ਵੀ ਵਿਚਾਰ ਸਾਂਝੇ ਕੀਤੇ। ਵਿਸ਼ੇਸ਼ ਮਹਿਮਾਨ ਸ੍ਰੀ ਸੁਖਵਿੰਦਰ ਸਿੰਘ, ਪ੍ਰਧਾਨ ਰੋਟਰੀ ਕਲੱਬ ਬੇਗੋਵਾਲ, ਨੇ ਵਿਦਿਆਰਥੀਆਂ ਨੂੰ ਪ੍ਰੇਰਿਤ ਕੀਤਾ।
ਵਿਦਿਆਰਥੀਆਂ ਨੇ ਨਾਟਕ, ਨ੍ਰਿਤਯ ਅਤੇ ਪ੍ਰਦਰਸ਼ਨਾਂ ਰਾਹੀਂ ਦਰਸਾਇਆ ਕਿ ਕਿਵੇਂ ਸਿੱਖਿਆ ਦੇ ਤਰੀਕੇ ਪੁਰਾਤਨ ਸਮੇਂ ਤੋਂ ਅੱਜ ਦੇ ਏਆਈ-ਆਧਾਰਤ ਡਿਜ਼ਿਟਲ ਕਲਾਸਰੂਮ ਤੱਕ ਬਦਲੇ ਹਨ। ਦਰਸ਼ਕਾਂ ਨੇ ਵਿਦਿਆਰਥੀਆਂ ਦੀ ਪ੍ਰਤਿਭਾ ਦੀ ਖੂਬ ਤਾਰੀਫ਼ ਕੀਤੀ।
ਅੰਤ ਵਿੱਚ, ਸਾਰੇ ਮਹਿਮਾਨਾਂ ਅਤੇ ਮਾਪਿਆਂ ਵੱਲੋਂ ਅੱਪਰ ਪ੍ਰਾਈਮਰੀ ਵਿੰਗ ਦੀ ਟੀਮ ਨੂੰ ਇਸ ਕਾਮਯਾਬ ਸ਼ੋ ਲਈ ਬਧਾਈ ਦਿੱਤੀ ਗਈ।
