ਕਲ ਜੋ ਨਗਰ ਨਿਗਮ ਦੀ ਹਾਊਸ ਦੀ ਮੀਟਿੰਗ ਵਿੱਚ ਸ਼ਰੇਆਮ ਧੱਕੇਸ਼ਾਹੀ ਕੀਤੀ ਗਈ ਅਤੇ ਧੱਕੇ ਨਾਲ ਏਜੰਡੇ ਦੇ ਮੱਤੇ ਪਾਸ ਕਰ ਦਿੱਤੇ ਗਏ , ਉਸ ਸੰਬੰਧੀ ਅੱਜ ਕਾਂਗਰਸ ਪਾਰਟੀ ਵਲੋ ਇਕ ਪ੍ਰੈਸ ਵਾਰਤਾ ਕੀਤੀ ਗਈ ਜਿਸ ਪ੍ਰੈਸ ਵਾਰਤਾ ਵਿੱਚ ਸਾਬਕਾ ਮੰਤਰੀ ਅਤੇ ਵਿਧਾਇਕ ਪਰਗਟ ਸਿੰਘ , ਹਲਕਾ ਜਲੰਧਰ ਨਾਰਥ ਤੋ ਵਿਧਾਇਕ ਅਵਤਾਰ ਸਿੰਘ ਜੂਨੀਅਰ ਬਾਵਾ ਹੈਨਰੀ, ਸਾਬਕਾ ਵਿਧਾਇਕ ਅਤੇ ਜਿਲਾ ਕਾਂਗਰਸ ਪ੍ਰਧਾਨ ਰਜਿੰਦਰ ਬੇਰੀ , ਸੁਰਿੰਦਰ ਕੌਰ ਹਲਕਾ ਇੰਚਾਰਜ ਜਲੰਧਰ ਵੈਸਟ , ਕੌਂਸਲਰ ਬਲਰਾਜ ਠਾਕੁਰ, ਪਵਨ ਕੁਮਾਰ , ਗੁਰਵਿੰਦਰਪਾਲ ਸਿੰਘ ਬੰਟੀ ਨੀਲਕੰਠ, ਗੁਰਨਾਮ ਸਿੰਘ ਮੁਲਤਾਨੀ , ਡਾ ਜਸਲੀਨ ਸੇਠੀ , ਪਰਮਜੋਤ ਸਿੰਘ ਸ਼ੈਰੀ ਚੱਢਾ , ਮਹਿੰਦਰ ਸਿੰਘ ਗੁੱਲੂ, ਦਵਿੰਦਰ ਸ਼ਰਮਾ ਬੋਬੀ , ਆਸ਼ੂ ਸ਼ਰਮਾ , ਹਰਪ੍ਰੀਤ ਸਿੰਘ ਵਾਲੀਆ , ਵਿਕਾਸ ਤਲਵਾੜ , ਸਲਿਲ ਬਾਹਰੀ , ਪਰਮਜੀਤ ਸਿੰਘ ਪੰਮਾ , ਨੀਰਜ ਜੱਸਲ , ਮਨਿੰਦਰ ਕੌਰ , ਜਤਿੰਦਰ ਕੁਮਾਰ ਜੋਨੀ , ਹਰਲਗਨ ਸਿੰਘ ਮੌਜੂਦ ਸਨ । ਇਸ ਪ੍ਰੈਸ ਵਾਰਤਾ ਵਿੱਚ ਬੋਲਦਿਆ ਵੱਖ ਵੱਖ ਕਾਂਗਰਸੀ ਆਗੂਆਂ ਨੇ ਕਿਹਾ ਕਿ ਕੱਲ ਜੋ ਨਗਰ ਨਿਗਮ ਵਲੋ ਹਾਊਸ ਦੀ ਮੀਟਿੰਗ ਕੀਤੀ ਗਈ ਹੈ , ਉਸ ਸੰਬੰਧੀ ਜੋ ਏਜੰਡਾ ਜਾਰੀ ਕੀਤਾ ਗਿਆ ਹੈ , ਉਸ ਤੋ ਸਾਫ਼ ਪਤਾ ਲੱਗ ਰਿਹਾ ਹੈ ਕਿ ਨਗਰ ਨਿਗਮ ਵਿਚ ਕਿਸ ਪੱਧਰ ਉਪਰ ਕਰਪਸ਼ਨ ਹੋ ਰਹੀ ਹੈ । ਸੁਪਰ ਸੈਕਸ਼ਨ ਮਸ਼ੀਨਾਂ ਦੇ ਦੁਆਰਾ ਜੋ ਸੀਵਰ ਦੀ ਸਫ਼ਾਈ ਦਾ ਕੰਮ ਚੱਲ ਰਿਹਾ ਹੈ , ਇਨਾਂ ਕੰਮਾਂ ਵਿਚ ਬਹੁਤ ਵੱਡੇ ਪੱਧਰ ਉਪਰ ਕਰਪਸ਼ਨ ਹੋ ਰਹੀ ਹੈ । ਸ਼ਹਿਰ ਵਿਚ ਰਾਜਨੀਤਿਕ ਸ਼ਹਿ ਤੇ ਵਡੀਆ ਵਡੀਆ ਨਾਜਾਇਜ਼ ਬਿਲਡਿੰਗਾਂ ਬਣ ਰਹੀਆਂ ਹਨ , ਨਗਰ ਨਿਗਮ ਦੀ ਅਫ਼ਸਰਸ਼ਾਹੀ ਕੁੰਭਕਰਨੀ ਨੀਂਦ ਸੁੱਤੀ ਪਈ ਹੈ । ਐਡਵਰਟਾਈਜ਼ਮੈਂਟ ਦਾ ਜੋ ਕੰਮ ਅਲਾਟ ਕੀਤਾ ਗਿਆ ਹੈ , ਉਸ ਵਿਚ ਵਡੇ ਪੱਧਰ ਤੇ ਕਰਪਸ਼ਨ ਸਾਹਮਣੇ ਆਈ ਹੈ । ਪਿਛਲੇ ਦਿਨੀ ਸ਼ਹਿਰ ਦਾ ਕੀ ਹਾਲ ਸੀ, ਥਾਂ ਥਾਂ ਸਾਰਾ ਸ਼ਹਿਰ ਕੂੜੇ ਨਾਲ ਭਰਿਆ ਹੋਇਆ ਸੀ । ਲੋਕਾਂ ਦੇ ਟੈਕਸ ਦਾ ਪੈਸਾ ਕਿਸ ਤਰਾਂ ਨਾਲ ਸ਼ਰੇਆਮ ਖਰਾਬ ਕੀਤਾ ਜਾ ਰਿਹਾ ਹੈ । ਕਾਂਗਰਸੀ ਆਗੂਆ ਨੇ ਕਿਹਾ ਕਿ ਇਸ ਧੱਕੇਸ਼ਾਹੀ ਨੂੰ ਬਿਲਕੁਲ ਵੀ ਬਰਦਾਸ਼ਤ ਨਹੀਂ ਕੀਤਾ ਜਾਵੇਗਾ । ਇਹ ਜੋ ਪੈਸਾ ਹੈ ਇਹ ਜਨਤਾ ਦਾ ਪੈਸਾ ਹੈ , ਇਸ ਦੀ ਫਿਜ਼ੂਲਖਰਚੀ ਅਤੇ ਬਰਬਾਦੀ ਬਿਲਕੁਲ ਨਹੀ ਹੋਣ ਦਿੱਤੀ ਜਾਵੇਗੀ ।
